I take the L and R on my headphones seriously!

Die jaar is verby...so te sê...nie regtig nie. Soos ek vandag my laaste dag by die “werk” het, sit en en reflect ek oor hoe suksesvol die jaar was. Ek het die hele jaar gewerk! Die hele jaar, van Januarie tot Desember. Ek kort 'n sertifikaat of iets. Vandag voel ek luier as die ou wat die Japanese vlag ontwerp het.

Soos ek terug dink was dit 'n lekker jaar vol crazy tye. Meeste mense in my lewe het liefde gevind en getrou en is nou sterk oppad om kinders te hê. Sterkte, ek hoop dis suksesvol. Die wêreld het nog kinders nodig. My jaar som ek so op...Just Me January, Forever Alone February, No Match March skip vorentoe na Single September, Only Me October, No Boyfriend November en dan Don't Date Me December. Al my maande was suksesvol, I got this. Crazy cool jaar. Hahaha...dis 'n joke. Dis fine om single te wees, alles op sy tyd né! Nou toe.

Ek het gedink, kos is so groot deel van ons lewe. Julle weet, jy moet dit hê om te lewe, anders voel jy sleg en pap. Sonder energie. Ek dink so aan vegetarians, en kry die plante jammer. Elke dag word mijoene plante dood gemaak. Die tipe geweld moet gestop word. Eet 'n stukkie vleis. Dit sal jou lewe verander. Ons het dit nie tot aan die bo-kant van die voedselketting gemaak om plante te eet nie. Is plante goed so nou en dan? Sure! Maar net nou en dan. En al die goed het my laat dink aan tegnologie. Laat ek my thought pattern verduidelik: Kos → Cloudy with a chance of meatballs → Steve → 'n Masjien maak die kos → Donut Masjiene → Hoekom het ek nie een nie? → Inventions → Hoe verf gemaak word → Die development van tegnologie → Squirrel → Tegnologie vorder so mooi → Iemand moet 'n masjien ontwerp waar ek kos kan download. Smaaklike kos. Dit sal cool wees. Een downside is dat die res van die wêreld dan soos Amerika sal lyk. Maar toe dink ek as almal groter word, dan sal alles mos shift, soos medium sal die nuwe small wees en large die nuwe medium en dan supercalafragilisticexpelladosus die nuwe large. Hulle sal 'n abbreviation vir daai woord moet kry. Kos is amazing veral as jy dit reg doen, Is daar nog iemand wat 'n snack eet terwyl hulle 'n snack maak, want soos jy die snack maak raak jy honger? Ek doen dit nie. Dis te erg.

Ek lees nou die dag 'n artikel, en daar is nou so nuwe storie op TLC, oor tannies wat soos erg oud is en hulle mans is baie jonk ek praat nou soos van die tannie is 87 dan is haar man 24. Ek's all for trou met 'n jonger man, dis goed, niks fout daarmee nie, maar die is nogal next level. Ek lees ook toe oor Madonna wat 55 is en haar boyfriend is 22, en Jennifer Lopez, ek weet nie eers wie dit is nie, sy's 43 en haar boyfriend is 26. Ek troos toe myself daaraan dat dit is fine dat ek nog nie date nie, want my boyfriend is dalk nog nie eers gebore nie. Ek's nou maar 22. Crazy ek weet, my mind is blown. Dan gooi mense daai line van “ouderdom is net 'n nommer” ouderdom is heel duidelik 'n woord. Dis wat ouderdom is. En AS ouderdom net 'n nommer was, (wat dit nie is nie, dis 'n woord) dan is die tronk seker net nog 'n kamer. Né?! Korrek.

Wysheid stroom uit.

Be educated.

Lag 'n bietjie!

Die Bertha.  

Unicorns can't fly. I can't fly...therefore I am a unicorn!

Dis nou al 'n hele tydjie vandat ek laas geblog het, dis 'n goeie ding, want dit beteken daar is minder clutter in my kop. Maar soos klokslag, nes ek dink ekt groot geword en ophou dink aan irrelevante nonsens, daag daar goed in my kop op en ek moet dit uitkry.

Die afgelope tyd gebeur daar regtig ridiculous goed rondom my. Eerste ding was, ek het nuus gekyk, en een of ander ou is gevang met baie, baie weed. Toe dwaal my kop na mermaids toe, en ek dink mermaids is nogal kief. Ek meen, dis mense met visvoete wat kan asem haal onder water! What's not to like? En dan het jy 24/7 perfekte hare en free clam bra! Whaaaaat?! Crazy ek weet! Maar die vraag was, “Do mermaids smoke seaweed?” Sal interessant wees om te weet. Miskien doen die rebel mermaids. Hulle het ook tattoos op hulle vinne, en gaan gereeld land toe om te chat met ninjas.

Anyway, een van die goed in die lewe wat my seker die meeste irreteer is as mense halwe sinne gebruik. GEBRUIK JOU WOORDE!

Daai is die inleiding tot my storie. Die ander dag staan ek in Checkers en daar staan twee engelse meisies agter my. Ek het nie geweet engelse mense koop by Checkers nie. Surprise. Maar hulle doen. Nou uit die aard van die saak gesels hulle, of dit het so geklink, dit was halwe sinne so ek kon nie lekker aflei presies waaroor hulle praat nie maar ek dink die een met die pers streak in haar hare wou vir die een met die bruin hare 'n kompliment gee oor hoe sy lyk en dit het so gegaan, “Aww babe...(ja sy het babe gesê)...you're just oh my word like I can't.” Die bruinhaarnooi freak toe uit, ook in halwe sinne en sê goed wat bo-oor my kop gaan, of dis so dom dit gaan onderdeur, “Oh my word, like awww.” My brein het overheat toe ek daar staan. Ek het die goed wat ek wou koop neergesit en uit die winkel geloop. Wat sê julle? Weet mense hoeveel boeke pleeg selfmoord as hulle sulke “gesprekke” voer? Ek is geskok in die mensdom. Another thing that grinds my gears is as ek vir iemand 'n boodskap stuur, en hulle reply “K” net dit. “K.” Regtig? Well, potassium to you too. (K is die simbool vir potassium.) En as mense terme gebruik soos “cray cray”. Dis nie woorde nie! Boeke is besig om uit te sterf en dis regtig hartseer. Weet mense dit?

Die ander ding is musiek. Ek breek my kop oor wat Dubstep is en ek het op 3 moontlike antwoorde afgekom, ons kan vote en dit dan stuur vir die mense wat dit produce. Hier is dit:

1. Wall-E suffering from severe diarrhea.

2. R2D2 rapping Busta Rhymes.

3. A retarded transformer trying to transform.

Dis die drie opsies as julle meer moontlike antwoorde het, sê dan voeg ek dit by. Ons het werk om te doen om mense te educate oor hoe om gesprekke te voer en wat regtig musiek is. Jis, mense bash erg vir Miley Cyrus, maar mens moet altyd kyk na wat 'n ander mens jou kan leer, soos Miley het my geleer ooghare kan jou maak of breek. Ek het nou die dag my ooghare uit gephotoshop and it's not a pretty picture. Regtig. Hou dit maar op julle gesigte. Daai hare is baie belangriker as wat julle dink.

Die les uit die post, praat in volsinne, gebruik jou woorde, luister na ordentlike musiek en moenie jou ooghare for granted vat nie.

Alright I'm out!

Laat iemand lag. Dis goeie medisyne.

Al my liefde.

Die Bertha.

Sometimes I read read as read when it is supposed to be read as read...

Ek gee nie regtig om hoe oud ek is nie, as ek 'n roomys trokkie se jingle hoor hier in die Kraaibak se strate afkom, sal ek by die ruit uitspring en daai ding by die pad afjaag, met 'n geldjie in my hand. Ek sal hardloop! Get yo cameras ready!

Ek het nou die dag weer Toy Story gekyk. Nou poppe en goed freak my nogal uit. Dis weird. Haha, vir my 12de verjaarsdag het my vriendin vir my so stuffed gorilla gegee. Ek het hom nogsteeds. Die een dag toe pak ek my kamer reg en sit hom op my bed neer. Gaan uit die kamer en vergeet van hom. Die aand is ek alleen by die huis, toe ek wil gaan slaap kom ek heel ingedate my kamer ingestap, die deur gaan so effe toe agter my. Toe ek my lig aansit sien ek net die swart ding sit daar op my bed. Ek skrik my binne my tjops, draai om en hardloop so hard in my deur vas en gaan sit solidly op my agterent. My stuitjie is nou nog seer van dit. Ek het so vet sloot in my voorkop gehad. Gelyk soos die Grand Canyon. Ek kon mense gevra het vir sight seeing geld. So gepraat van tandartse...Jis, almal gaan mos vir daai check-ups en goed, my laaste besoek aan die tandarts was interessant. Die oom vat so skerp ding, ek is seker daai skerp ding kan iemand doodmaak. Nou vat hy die skerp ding, ek kan nie genoeg klem lê op skerp nie, en poke my gums. Nie sag nie. HARD. Hy poke my gums hard, met die skerp ding. En soos 'n normale mens se gums, begin dit mos te bloei. Hier sê die tjommie vir my, "Jou gums bloei, omdat jy nie floss nie." WAT? 1: Ek floss, baie dankie. 2: Kom ons poke jou gums en kyk of jy floss. Ek het hom getune terwyl hy in my mond gekrap het, maar al wat hy gehoor het was seker...HOOHOHOHHOHHHOAAAHOHHOAOAAAOOOH!!!! Dis nog 'n ding, nes die tandarts in mens se mond begin krap dan vra hy, "So, hoe gaan dit nog met jou?" "HOOOOD, HANKJIE. HEN SHELFFFF?" Dan is dit die gap, begin hy te praat van sy vrou, 80 kinders, 160 kleinkinders, 12 budgies, 4 marmotte, 12 hase, 1 pappegaai, sy roosbome, en dan ook sy agter klein nefie se pa se beste vriend se kind se niggie se boyfriend se ouma grootjie is nou die dag oorlede. Tannie Kotie. Dankie oom tandarts. Daai sessie het my lewe verryk. En ek sal nie weer terugkom nie. Maar ek belowe ek floss.

*Homeless people build the best forts I've ever seen.*

Dis al.

Laat dit juig!

Die Bertha
=>

I can always tell when they use fake dinosaurs in movies...

Dis altyd lekker as mense minder as slim vrae vra. Daar is dan altyd 'n geleentheid om so bietjie te lag. Of super sarkasties te wees. Hier volg 'n paar gesprekke as voorbeeld, "Ek gaan vanaand bietjie uit." "Saam met vriende?" "Nee, saam met mense van wie ek nie hou nie." Wie het al daai een gehad? Of toe ek nog op skool was, moes ek en my broer altyd my ma laat weet wanneer ons by die huis kom. Dan gaan dit so, "Hi mam." "Het jy darem ok by die huis gekom?" "Nee, ek het oppad 7 keer doodgegaan." En die een wat nou kom is my persoonlike gunsteling. Daar was so berig op die 7 uur Nuus, way back. Om Riaan het dit nog gelees, van 'n ou wat deur 'n haai aangeval is. Hy het 'n arm of iets verloor. Dis die gesprek: "Wat het gebeur?" "Die ou is deur 'n haai gebyt, het sy arm verloor." "In die see?" "Nee, hier agter in die opslaan swembad." Really people? Check yourself, before you wreck yourself. Ek kan nie verstaan hoe mense deur haaie aangeval word nie. Die oomblik wat ek daai "Dun-Dun" hoor sal ek so vinnig uit daai water wees, ek sal 'n nuwe rekord vir 100m opstel.

Jis, ek het so ding gehad waar ek myself bang dink. Van ek tot bekering gekom het, het ek niks meer vrees nie, want dis mos nie van die Here af nie. Maar so gisteraand kry ek toe 'n nagmerrie en maak myself hier in die middel wakker van dit, want dis sommer stupid. Toe lê en dink ek so...ek het altyd toe ek jonger was met 'n krieketkolf langs my bed geslaap, julle weet, vir as daar iemand inbreek en my met balle begin gooi. Toe dink ek net hoe dom ek was. Wow. Maar almal het mos altyd die ding van as iemand inbreek gaan ek dit en dit en dat en so maak. Ja sure. Ok. Ons sal sien. Een skoolvakansie toe is ek alleen by die huis, en die is nog in Vredendal, en ek bad die oggend. En begin my mos nou lekker te verbeel. Ek verbeel my eerste ek hoor iemand by die voordeur peuter. Toe hoor ek sommer die deur gaan oop, en voetstappe in die gang afkom, maar hoor hier, ons gang is nie so lank nie, maar die voetstappe kom aan vir ewig. Ek wat in die bad sit begin so te panic, ek wil opstaan maar ekt bubble bath in die bad en dit maak mos lekker glad. Ek verloor my footing en val neer in daai bad. Dis net water wat spat, lyk soos 'n tsunami en ek versuip amper in daai vlak water. Toe ek nou eindelik regop kom, is dit aan. Nou moet ek vir my 'n wapen kry. Maar ek is in die badkamer, kyk na die toilet borsel, maar dis gross. Toe sien ek die Domestos bottel. Ek het gefigure ek as ek dit in die inbreker se oë spuit gaan dit mos lekker brand en sommer ook all known germs dead kill op sy gesig. Dis mos Domestos se slogan, Kills all known germs dead, want as jy iets kill is dit mos nie dood nie. Elkgeval, so staan ek. Handdoek om die lyf, reg voor die deur en wag vir die inbreker om by die badkamer in te kom. Ek het seker vir 20min net gestaan en staar na die deur soos 'n nollie. Daar was niemand.

Toe, so twee weke daarna is ek in die stort, ek het vir 'n lang tyd na daai insident nie gebad nie. En ek weet my broer en die vrou wat ons huis skoongemaak het daardie tyd is in die huis. Maar ek het mos 'n lekker aktiewe verbeelding, en ek hoor 'n heavy geskarrel, en ek weet toe. Hier het nou weer  'n persoon ingebreek, en hy is besig om almal in die huis dood te maak, en ek sal hom moet fight. Kaal. Nou ek het Power Rangers en Ninja Turtles geky, en dit was goed. Maar in al hulle fight scenes het hulle klere aan. Hoe fight 'n mens kaal? Dit moet soooo awkward wees. Net daai gedagte was genoeg om my so vinnig uit daai stort te kry. Ek dink nie ek het daai dag agter my ore gewas nie.  

*Statistics show that the best time to wear Crocs is never.*

Wow. Dis 'n lang post.

Laat dit juig!

Die Bertha
=>

The internet is full of cat people. Because dog people actually go outside...

Wie het al die een gehoor: Daar's baie visse in die see? Ek het nog nie baie keer nie, maar ek's seker daar is van julle wat al het. Dis een van die domste sê goed in die hele wye wêreld. Dis mos presies wat jy vir iemand moet sê wat se hart nou net gebreek is. Weet jy wats nog in die see? Haaie, seaweed en toxic waste. BP het gemaak dat daar nie meer so baie visse in die see is nie. So...van wat is daar baie in die see? Olie. So gepraat van visvang. Ek sit en wonder nou die dag so, wat sal mense se reaksie wees as ek daar na die akwarium toe gaan, en instap met 'n visstok? Jissie, ek sal mos 'n fees hê. MOS.

Ek't ook oor hierdie een gedink...ons generasie sal DIE weirdste oumas en oupas maak. Imagine gou-gou 50 jaar van nou af, dan is ek 72. Ja, dis korrek, ek's 22. Well done as jy dit uitgefigure het, jy kan wiskunde doen. Ek was in die spesiale wiskunde klas, met die juffrou wat 2 verskillende skoene in die oggend aangetrek het. Dis seker hoekom sy die spesiale klas se juffrou was. Jis, ek het skool gehaat. Wow...ok elkgeval dan is ons in ons 70's en dra foamalite klere en ry op deurskynende motorfietse, apparently. Ons sal so cool wees, want ons sal alles kan doen wat die kinders doen. Ons weet hoe om die rekenaar aan te sit, en te Google, en browser history te check. Een van die grootste issues wat die kinders in daai tyd gaan hê, gaan wees om 'n username te kry wat nog beskikbaar is. Dink gou hieroor...ek wou nou die dag 'n account maak op so stock photography site, tik my naam in. Die ding sê nee, Bertha Bresler bestaan klaar. Ek's soos ja ek weet, dis ek. En ek het dan in LO geleer ek is uniek. Tik weer Bertha Bresler in, en hy sê weer nee. Maar wat wel beskikbaar is, is: BerthaBresler18 of BerthaBresler134 of BerthaBresler158. WOW né! Is daar al 158 Bertha Breslers op daai site? Ek's toe nie so uniek soos juffrou Van der Westhuizen gesê het nie. Maar dink gou ons kleinkinders gaan soos sit en die ding gaan sê: Nee, daar is klaar 'n Sakoia van Zyl op die site. SakoiaVanZyl39878723489_12332_i_t_sdfkmlfd_2334432 is wel beskikbaar. Aanvaar jy dit so? As ek Sakoia was sou ek nie. Sterkte aan Sakoia en sy tjommies. Eerste wêreld probleme. Pff.

*Ghetto rule: Whenever you buy something expensive, put the box in your neighbour's trashcan so you don't get robbed.*

Yip.

Laat dit juig!

Die Bertha.
=>  

It's hotter than 26 Mexicans in a Ford Focus with no AC...

Haha, ek onthou altyd op skool, dan het die juffrou woordsomme opgemaak, en soos die kinders in die klas se name gebruik in die som. Dis altyd funny gewees. Want die kinders het altyd gepoint na die persoon wie se naam daarin is. So asof ek nie geweet het my naam is Bertha nie. Dis baie snaaks gewees as my naam in die woordsom was, dan staar almal na my, dan is dit net soos, "Dis korrek. Ek het 70 waartlemoene gekoop."

Een van die grootste leuens op aarde is, "Die dokter sal nou nou by jou wees." Ja sure tannie receptionist. Dis die plek waar nou nou enige iets van 'n minuut tot 'n jaar kan beteken. Elkgeval eks nog altyd op die social network topic. Soos ek gesê het, ek's 'n facebook nut. Like dit kwaai om random feite met die res van die wêreld, of 329 vriende te deel. Dis hoeveel vriende ek nou op Facebook het. True story. As jy nie geweet het nie, dan weet jy nou. Jy's welkom. Een ding waarmee ek 'n groot probleem het is dat mense fotos van hulle kos oplaai...hoekom? Onthou julle in die ou dae toe daar nog nie Facebook of Twitter was nie, toe ons fotos van ons aandete geneem het, dan die foto ontwikkel het en toe na elkeen van ons tjommies se huise gegaan het en vir hulle die foto gewys het? Nie? Ek ook nie...hoekom doen mense dit nou? Maak my net honger, en partykeer die teenoorgestelde van honger. Die beste was hier in Mei maand rond, toe is daar so chickie op my Facebook, wat 'n foto geneem het van haar wasmasjien en die klere wat hang op die draad, en die tagline by was: "Ons eerste bondel wasgoed is gewas." Of so iets. REGTIG? Ek't haar unfriend. Maar weet julle wat is die vinnigste ding op aarde? Nee, nie die Bugati Veyron nie, ook nie Usain Bolt nie...hy is regtig nie, een van sy tjommies het hom gebeat. Regtig waar. Die vinnigste ding op aarde is 'n meisie wat haarself untag in 'n foto wat nie vleiend is nie. Ek't al fotos opgelaai en my vriende daarin getag, die foto is skaars getag, dan is hy alweer ge-untag. Dis baie baie snaaks!

*Speed bumps can turn into speed ramps depending on who's car I'm borrowing.*

That's all folks.

Laat dit juig!

Die Bertha.
=>

What do we want? A cure for diabetes. When do we want it? After dinner.

So, die week was soos vyf jaar lank. Ek dink die afgelope tyd baie aan skool, en hoe ek nie daarvan gehou het nie. Ek praat nou die dag met 'n meisie, sy's is nou in graad elf of iets, en sê dis blykbaar baie moeilik...en ons praat so oor hoe dit regtig nie soos die regte te lewe is nie.  Maar jy weet wie gee om dat die skool jou nie leer om 'n familie groot te maak, of om vir 'n werk te soek nie. Ten minste kan ek die area van 'n driehoek uitwerk...

Ek wil so bietjie ingaan op social media. Nou ek's glad nie teen dit nie. Ek's self 'n gereelde Facebooker, en het 'n Twitter account. Ek gaan kyk toe gisteraand wat op my Twitter aangaan, en jy weet, maar die gewone, niks. Ek kan regtig nie die punt sien daarin nie. Jy het net 140 characters wat jy kan gebruik...het julle al ervaar watse goed mense kan sê in 140 karaktertjies? WOW! Ek surf toe die ander dag so deur die kanale en kom op CNN, jap. En hulle het toe 'n report dat Justin Bieber se een tweet 100 000 retweets gekry het...raai gou wat hy getweet het...hy't gesê "live life full" Dis al. Net dit. Dis net 3 random woorde. That's not even a sentence! Toe dink ek miskien moet ek ook 3 random woorde vat en kyk wat gebeur, toe tweet ek, "Toaster squirrel ham" needless to say it didn't work. I only got hate mail, or hate tweets. En mense bel nie meer mekaar nie, dit ontstel my so bietjie, want ek hou van klets! Ek't nou die dag vir iemand 'n sms gestuur, wie onthou nog die dae van sms'e en polyphonic ringtones? Toe ek op 35050 vir 7de Laan gedownload het op my Nokia 2600, colour screen. Hahaha...elkgeval ek stuur die sms, die persoon, jy weet wie jy is, reply DRIE WEKE LATER, dis die antwoord, "Jammer ek reply nou eers, ek't aan die slaap geraak..." Wat? Vir drie weke??? Well, that's a long nap, dis soos ek gaan gou my oë rus vir vyf minute dan word jy wakker op 8 November 2023.

*Yeah, summer bodies are nice. But so are those brownies over there.*

Verander vandag iemand anders se lewe!!!

Laat dit juig!

Peace.

Die Bertha.
=>