Toe nie so weird nie...miskien so bietjie...

Ek het so ding wat ek altyd doen wanneer ek verveeld is. Party mense dink dis weird. Nie ek nie, want dis lekker. En wie define wat weird is. Nee man. Wees weird dis lekker.

Nou…wat ek doen is die volgende. Ek lê op die vloer en maak of ek ‘n wortel is. Dit klink nie baie interessant nie, maar ou matie, dis lekker! Gewoonlik… raak ek net aan die slaap, maar eendag het baie lekker gelê en ek raak toe aan die slaap. Begin toe te droom. In die droom doen ek dieselfde as wat ek in die regte lewe doen, maar eks actually ‘n wortel, net met bene en ‘n gesig en ek kan praat. En daar kom toe ‘n haas verby. Vreet my op. Was tragies. Nou lê ek nie meer so baie op die vloer en maak of ek ‘n wortel is nie. Dis omtrent dieselfde as hoe vang jy ’n hoender? Jy sit agter die bos en maak soos ‘n mieliepit. Dis vreemd, maar effektief. Hoenders val elke keer vir dit. Hier is ‘n interessante ding, ek het dit al gedoen om uit ‘n boring gesprek te kom…hahaaa…nogal goed. As die persoon met jou praat: stop, drop and roll. Werk soos ‘n bom. En dis baie snaaks. Jy kan net wegrol. Die ander person is te geskok om iets te doen. Party sê dis ombeskof, ek sê nee. Die lewe is te kort om te staan en luister na ‘n vervelige gesprek, ons moet adventure hê. Die heeltyd. En ek wil nie doodgaan van boredom nie. Ek weet nie of mens kan nie, maar ek gaan nie kanse vat nie. Hoe gaan dit nie lyk as jy eendag by die poorte van die hemel in die lyn staan en almal het doodgegaan van hierdie awesome goed en nou staan ek daar en sê ek het doodgegaan van boredom nie? Ek gaan mos my naam met ‘n spreekwoordelike plank slaan. En ek is al met ‘n regte plank geslaan, dis seer. En ek het uitgefigure hoe ons world peace kan kry. Vervang suurstof met helium. Hoe kan jy kwaad bly vir iemand wat soos ‘n chipmunk klink?!

Stuff to think about!

Hou aan smile!

Laat dit juig!

=>      

Voëls is net. En kommin goggas...Heavy days.

So vanoggend ry ek werk toe...ugh...ek dink dis flippen onredelik om dou voor dag nog in die donker te moet werk toe kom. Hulle moet soos ‘n wet teen dit maak of iets.Ek weet nie, maar iets moet gedoen word. Ek meen, kyk net al die karre. Hulle ligte is aan en die rede vir al die ongelukke is omdat die mense nog almal slaap. WANT DIS AAND!!!!

Anyway, so ek stop toe by die werk, sien die arme gogga op my kar. Shame...toe dink ek, die feit dat hy die heel pad vasgeklou het en nie afgeval of doodgegaan het nie is super, maar nou weet hy nie waar hy is nie. En ek weet hoe dit voel om involuntary te trek. Dis glad nie lekker nie. So nou moet hy terug vlieg Kraaifontein toe. Ek kon sien dis ‘n Kraaifontien gogga, hy’t baie kommin gelê. En hy’t wings. Arme ding. Dit moet suck om vir tien kilometer in die koue, donker wind op ‘n kar te lê en vas te hou vir jou lewe nou moet jy nog terug motor na jou huis toe ook. My hart gaan uit na die arme diertjie toe. Ek dink dis wat met my vlieg gebeur het. Hy’s ontvoer in die donker. Not cool.

Ek sit en kyk nou die dag so die voëls by hulle voëlbak...voëlbak is so ‘n verkeerde word, ek meen ons praat nie van ons mensbak nie. Dis ‘n bak. Ek wonder of die Chinese mense praat van Chinese food, of is dit net food vir hulle. Anyway. En ek sit en wonder so, raak die ander voëls kwaad as een voël badkamer toe gaan in die voëlbak? Of freak hulle uit en gaan tekere en sê: “Dude daar is ‘n kar net daar!” Ek sou nogal daai conversation wou hoor. Behoort heel interessant en educational te wees!

Hulle is so gelukkig om te kan vlieg. Dis net soos flap, flap en jy hoef nie meer na ‘n vervelige gesprek te luister nie. Moet nogal epic wees. En jy kan gaan toer as jy wil. Hoef nie in die nagtlike ure werk toe te gaan nie.

Die interessantste ding om te wees moet verseker ‘n lepel wees.

True that.

Geniet julle dag.

Laat dit juig!

Onthou om te smile.

=>    

Mysteries...al die belangrikke vrae in die lewe...boggles my mind!

So I’ve been thinking. En die was gister my status. Weird ding die status, ek sit gewoonlik goed op om mense se opinies te kry, niemand comment nie. Like net en so aan. Dis nie ‘n slegte ding nie, soek net partykeer geselskap. Hahaha...Forever alone, level = Mr.Bean.

So ek’t gedink, raak visse dors? En as hulle dors raak wat drink hulle? Dis bietjie awkward vir hulle. Ek weet as ek swem raak ek mal dors. Nou wat van die arme vissies? Ek het al visse gehad, hulle was nooit meer as twee weke lewendig nie, dink ek het te veel kos gegee. Maar ek het hulle net jammer gekry en baie gegee, want geen lewende ding kan so min eet nie. Ek het ook altyd my fiets toegemaak met ‘n kombers, sodat hy nie koud kry in die aande wanneer hy slaap nie. Shame. Miskien moet mens min gee omdat hulle so vinnig vergeet en dan eet hulle die heeltyd en dan ontplof hulle. Bietjie weird. Ek het altyd gesit en kyk hoe die vis swem en sy vinne beweeg, het een dag ook met my vis gaan stap. Nie die slimste besluit nie, die bak raak swaar en dan laat val mens dit. Dan moet jy die vis optel en hardloop vir die huis, anders dood die arme diertjie. Intense tye daai. En die vis is glibberig dan spring hy rond en al sulke dinge. Not smooth. Of TE smooth...

Anyway...Visse wat dors raak. Dit sal vieslik gross wees as hulle die water in hulle tenk drink. Dis soos ‘n mens wat sy eie badwater drink. Nie cool nie. Wonder of die antwoord op Wikipedia is. Wikipedia het altyd my werk gecopy toe ek nog op skool was. Die onderwysers sien dit nie so nie though, blykbaar het ek gecopy en paste. Pff...Dit is ook ‘n saak, as jy by een persoon inligting versamel is dit plagiaat, as jy by klomp mense inligting versamel is dit navorsing. WIE het daai reël gemaak? Dis nie so slim gevolgtrekking nie. Gevolgtrekking is ‘n groot woord. En mens klink slim wanneer mens dit gebruik. Blykbaar...

Maar ek kan nie regtig ‘n gevolgtrekking maak op die onderwerp nie, dis moeilik, ek sal self fisies met ‘n vis moet praat. Hoe doen mens dit? Sal moet gaan navorsing doen. Miskien as Flint Lockwood, Steve se thought translator vir my leen kan dit gedoen word. Wie weet? Nie ek nie. Lewe is moeilik. Pff...

Ok lekker dag! Probeer om baie te smile, dit maak jou lip, mond en wangspiere fiks. Dis nie lekker as daai spiere onfiks is nie.  

Laat dit juig!

=>